လာမယ့်ဘောလုံးရာသီမှာ မန်ချက်စတာယူနိုက်တက်အသင်းကို စတင်ကိုင်တွယ်သွားတော့မယ့် နည်းပြသစ် အဲရစ်တန်ဟက်ဂ်အတွက် ယူနိုက်တက်ဘက်က အပြောင်းအရွှေ့ အသုံးစရိတ်အဖြစ် ပေါင်သန်း(၁၀၀)အထိ ခွင့်ပြုထားခဲ့တယ်လို့ သတင်းတွေ ထွက်ပေါ်နေပေမယ့် တန်ဟက်ဂ်ကတော့ အလွတ်ပြောင်းရွှေ့ကြေးနဲ့ ရရှိနိုင်မယ့် ကစားသမားတွေထဲကမှ အကောင်းဆုံး ကစားသမားတွေကိုသာ ရှာဖွေထားဖို့ အသင်းရဲ့ ကင်းထောက်တွေကို တာဝန်ပေးထားတယ်လို့ သိရှိရပါတယ်။

ယူနိုက်တက်အသင်းဟာ အသင်းရဲ့ ဂန္တဝင်နည်းပြကြီး ဆာအဲလက်စ်ဖာဂူဆန်ရဲ့ ခေတ်အလွန်မှာ အပြောင်းအရွှေ့ အသုံးစရိတ်အဖြစ် စုစုပေါင်း တစ်ဘီလီယံလောက်အထိပါ သုံးစွဲထားခဲ့တာဖြစ်ပြီး ယူရိုပါလိဂ်ဖလား(၁)လုံး အက်အေဖလား(၁)လုံး လိဂ်ဖလား(၁)လုံးနဲ့ ကွန်မြူနတီဒိုင်း(၁)ကြိမ် ရယူနိုင်ခဲ့ပြီး နောက်ဆုံးယှဉ်ပြိုင်ခဲ့တဲ့ ဘောလုံးရာသီ (၅)ရာသီဆက်တိုက် ဆုဖလားလက်မဲ့ ဘောလုံးရာသီတွေအဖြစ်နဲ့ ဖြတ်သန်းခဲ့ရသလို ကစားသမားတွေအတွက် ငွေကြေးများစွာ သုံးစွဲခဲ့ပြီး ခေါ်ယူခဲ့တဲ့ ကစားသမားများစွာကလည်း အသင်းအပေါ် သိပ်အကျိုးမပြုနိုင်သူတွေ ဖြစ်နေရပါတယ်။

ဒီလို အခြေအနေတွေကြောင့် ယူနိုက်တက်နည်းပြသစ်အဖြစ် တာဝန်ယူသွားတော့မယ့် တန်ဟက်ဂ်က စျေးကွက် ဖွင့်လှစ်ချိန်အတွင်း ငွေကြေးသုံးစွဲမှုတွေ ခပ်ကြမ်းကြမ်း လုပ်ဆောင်ဖို့ထက် free agents ကစားသမားတွေထဲကမှ အကောင်းဆုံး ကစားသမားများကို ခေါ်ယူသွားချင်နေပြီး ကင်းထောက်တွေကိုလည်း တာဝန်ပေးထားအပ်ထားတယ်လို့ သိရပါတယ်။ လာမယ့်စျေးကွက်ထဲ လက်ရှိကလပ်အသင်းတွေနဲ့ စာချုပ်သက်တမ်း ကုန်ဆုံးကြတော့မယ့် ကစားသမားတွေစာရင်းမှာ ဂျုဗင်တပ်စ် တိုက်စစ်ကစားသမား ပေါ်လိုဒီဘားလား၊

အေစီမီလန် ကွင်းလယ်ကစားသမား ဖရန့်ကတ်ဆေး ဘာစီလိုနာ တိုက်စစ်ကစားသမား အူစမန်ဒမ်ဘီလီ ပီအက်စ်ဂျီ တိုက်စစ်ကစားသမား ကီလီယန်အမ်ဘာပေ အေစီမီလန် နောက်ခံကစားသမား အလက်စီယိုရိုမက်နိုဂလီတို့လို ထိပ်တန်းကစားသမား အများအပြား ပါဝင်လို့နေပြီး လက်ရှိမှာလည်း ယူနိုက်တက်ဘက်က ဒီဘားလားနဲ့ ဒမ်ဘီလီတို့ကို ပစ်မှတ်ထားနေတဲ့အပြင် တန်ဟက်ဂ်ကလည်း သူ့အသင်းဟောင်း အေဂျက်စ်ရဲ့ ညာနောက်ခံကစားသမား နူဆီယာမာဇရာအူရီကိုပါ အလွတ်ပြောင်းရွှေ့ကြေးနဲ့ ခေါ်ယူသွားဖို့ ဆန္ဒရှိလို့နေပါတယ်။

တစ်ဖက်မှာလည်း စပိန်လာလီဂါပြိုင်ပွဲဝင် ကလပ်အသင်း တစ်သင်းဖြစ်တဲ့ အသက်လက်တစ်ဘီလ်ဘာအိုအသင်းဟာ လက်ရှိအသင်းရဲ့ နည်းပြဖြစ်သူ မာဆယ်လီနိုနဲ့ လက်တွဲဖြုတ်ရတော့မှာဖြစ်လို့ လစ်လပ်သွားတော့မယ့် အသင်းနည်းပြနေရာအတွက် လာလီဂါမှာ နည်းပြဘဝကို စတင်ခဲ့ဖူးသူ နည်းပြမာရီစီယိုပိုချက်တီနိုကို ခန့်အပ်သွားချင်နေတယ်လို့ သိရှိရပါတယ်။ အာဂျင်တီးနားလူမျိုး ဘောလုံးနည်းပြ ပိုချက်တီနိုဟာ လက်ရှိမှာ ပီအက်စ်ဂျီအသင်းကို ကိုင်တွယ်နေပြီး အသင်းကိုလည်း ၂၀၂၁-၂၀၂၂ ဘောလုံးရာသီ လီဂူးချန်ပီယံဆု ဆွတ်ခူးအောင် စွမ်းဆောင်ပေးနိုင်ခဲ့ပေမယ့်လည်း ချန်ပီယံလိဂ်မှာ ရှုံးထွက်(၁၆)သင်းအဆင့်နဲ့ လှည့်ပြန်စေခဲ့ရပါတယ်။

ပီအက်စ်ဂျီဘက်က ပိုချက်တီနိုကို ရာထူးကနေ ဖယ်ရှားချင်နေပြီး ရီးယဲလ်နည်းပြဟောင်း ဇီဒန်း စပါးအသင်းနည်းပြ ကွန်တီတို့ထဲက တစ်ဦးဦးနဲ့ ပြန်အစားထိုးသွားချင်နေပါတယ်။ ဒီလို အနာဂတ် မရေမရာ ဖြစ်နေရတဲ့ ပိုချက်တီနိုကို ဘီလ်ဘာအိုအသင်းဘက်က အလိုရှိလာခဲ့ပြီး အသင်းနည်းပြသစ်အဖြစ် ခန့်အပ်သွားဖို့ စိတ်ဝင်စားလာခဲ့ပါတယ်။ ပိုချက်တီနိုဟာ ဘောလုံးသမားဘဝကနေ နည်းပြဘဝကို မကူးပြောင်းခင်မှာပဲ လာလီဂါကလပ် အက်စပန်ညိုအသင်းမှာ ပါဝင်ကစားခဲ့ရင်း ကစားသမားဘဝ အဆုံးသတ်လိုက်ချိန်မှာ အက်စပန်ညိုရဲ့ နည်းပြအဖြစ် ပြောင်းလဲဆောင်ရွှက်ခဲ့ပါတယ်။

အက်စပန်ညိုရဲ့ ကစားသမားအဖြစ်နဲ့ရော နည်းပြအဖြစ်နဲ့ပါ လာလီဂါမှာ ဆယ်စုနှစ်တစ်ခုလောက်အထိ ကျင်လည်ထားခဲ့ဖူးတဲ့ ပိုချက်တီနိုကို လာလီဂါကလပ် ဘီလ်ဘာအိုက သူတို့အသင်းရဲ့ နည်းပြသစ်အဖြစ် ခန့်အပ်သွားချင်နေပြီး ရာသီကုန်မှာ အသင်းနဲ့ လမ်းခွဲတော့မယ့် နည်းပြမာဆယ်လီနိုရဲ့နေရာမှာ ပိုချက်နဲ့ အစားထိုးချင်နေပါတယ်။ နည်းပြမာဆယ်လီနိုဟာ ဒီနှစ်ဘောလုံးရာသီမှာ ဘီလ်ဘာအိုအသင်းကို အမှတ်ပေးဇယားရဲ့ အဆင့်(၈)နေရာ ရောက်ရှိအောင် ပို့ဆောင်ထားပေမယ့် ယူရိုပါလိဂ်နဲ့ ယူရိုပါကွန်းဖရန့်လိဂ်တို့လို ဥရောပပြိုင်ပွဲတွေ ဝင်ရောက်ဆင်နွဲနိုင်အောင် စွမ်းဆောင်ပေးနိုင်ဖို့က မရေရာသေးတဲ့ အခြေအနေမှာ ရှိနေသေးတာကြောင့် သူ့ကို အသင်းဘက်က သက်တမ်းတိုးဖို့ စောင့်ကြည့်နေဆဲ ရှိနေရပါတယ်။ သူတို့အသင်း အလိုရှိနေတဲ့ ပိုချက်တီနိုကလည်း သူရဲ့အနာဂတ်နဲ့ ပတ်သက်ပြီး ကောလဟာလတွေ ထွက်ပေါ်နေပေမယ့် သူကတော့ စာချုပ်သက်တမ်း ကုန်ဆုံးချိန်ထိ ပီအက်စ်ဂျီအသင်းမှာသာ ဆက်ရှိနေမှာ ဖြစ်တယ်လို့ ထုတ်ဖော်ပြောကြားထားခဲ့ပါတယ်။

ZAWGYI: လာမယ့်ဘောလုံးရာသီမှာ မန်ချက်စတာယူနိုက်တက်အသင်းကို စတင်ကိုင်တွယ်သွားတော့မယ့် နည်းပြသစ် အဲရစ်တန်ဟက်ဂ်အတွက် ယူနိုက်တက်ဘက်က အပြောင်းအရွှေ့ အသုံးစရိတ်အဖြစ် ပေါင်သန်း(၁၀၀)အထိ ခွင့်ပြုထားခဲ့တယ်လို့ သတင်းတွေ ထွက်ပေါ်နေပေမယ့် တန်ဟက်ဂ်ကတော့ အလွတ်ပြောင်းရွှေ့ကြေးနဲ့ ရရှိနိုင်မယ့် ကစားသမားတွေထဲကမှ အကောင်းဆုံး ကစားသမားတွေကိုသာ ရှာဖွေထားဖို့ အသင်းရဲ့ ကင်းထောက်တွေကို တာဝန်ပေးထားတယ်လို့ သိရှိရပါတယ်။

ယူနိုက်တက်အသင်းဟာ အသင်းရဲ့ ဂန္တဝင်နည်းပြကြီး ဆာအဲလက်စ်ဖာဂူဆန်ရဲ့ ခေတ်အလွန်မှာ အပြောင်းအရွှေ့ အသုံးစရိတ်အဖြစ် စုစုပေါင်း တစ်ဘီလီယံလောက်အထိပါ သုံးစွဲထားခဲ့တာဖြစ်ပြီး ယူရိုပါလိဂ်ဖလား(၁)လုံး အက်အေဖလား(၁)လုံး လိဂ်ဖလား(၁)လုံးနဲ့ ကွန်မြူနတီဒိုင်း(၁)ကြိမ် ရယူနိုင်ခဲ့ပြီး နောက်ဆုံးယှဉ်ပြိုင်ခဲ့တဲ့ ဘောလုံးရာသီ (၅)ရာသီဆက်တိုက် ဆုဖလားလက်မဲ့ ဘောလုံးရာသီတွေအဖြစ်နဲ့ ဖြတ်သန်းခဲ့ရသလို ကစားသမားတွေအတွက် ငွေကြေးများစွာ သုံးစွဲခဲ့ပြီး ခေါ်ယူခဲ့တဲ့ ကစားသမားများစွာကလည်း အသင်းအပေါ် သိပ်အကျိုးမပြုနိုင်သူတွေ ဖြစ်နေရပါတယ်။

ဒီလို အခြေအနေတွေကြောင့် ယူနိုက်တက်နည်းပြသစ်အဖြစ် တာဝန်ယူသွားတော့မယ့် တန်ဟက်ဂ်က စျေးကွက် ဖွင့်လှစ်ချိန်အတွင်း ငွေကြေးသုံးစွဲမှုတွေ ခပ်ကြမ်းကြမ်း လုပ်ဆောင်ဖို့ထက် free agents ကစားသမားတွေထဲကမှ အကောင်းဆုံး ကစားသမားများကို ခေါ်ယူသွားချင်နေပြီး ကင်းထောက်တွေကိုလည်း တာဝန်ပေးထားအပ်ထားတယ်လို့ သိရပါတယ်။ လာမယ့်စျေးကွက်ထဲ လက်ရှိကလပ်အသင်းတွေနဲ့ စာချုပ်သက်တမ်း ကုန်ဆုံးကြတော့မယ့် ကစားသမားတွေစာရင်းမှာ ဂျုဗင်တပ်စ် တိုက်စစ်ကစားသမား ပေါ်လိုဒီဘားလား၊

အေစီမီလန် ကွင်းလယ်ကစားသမား ဖရန့်ကတ်ဆေး ဘာစီလိုနာ တိုက်စစ်ကစားသမား အူစမန်ဒမ်ဘီလီ ပီအက်စ်ဂျီ တိုက်စစ်ကစားသမား ကီလီယန်အမ်ဘာပေ အေစီမီလန် နောက်ခံကစားသမား အလက်စီယိုရိုမက်နိုဂလီတို့လို ထိပ်တန်းကစားသမား အများအပြား ပါဝင်လို့နေပြီး လက်ရှိမှာလည်း ယူနိုက်တက်ဘက်က ဒီဘားလားနဲ့ ဒမ်ဘီလီတို့ကို ပစ်မှတ်ထားနေတဲ့အပြင် တန်ဟက်ဂ်ကလည်း သူ့အသင်းဟောင်း အေဂျက်စ်ရဲ့ ညာနောက်ခံကစားသမား နူဆီယာမာဇရာအူရီကိုပါ အလွတ်ပြောင်းရွှေ့ကြေးနဲ့ ခေါ်ယူသွားဖို့ ဆန္ဒရှိလို့နေပါတယ်။

တစ်ဖက်မှာလည်း စပိန်လာလီဂါပြိုင်ပွဲဝင် ကလပ်အသင်း တစ်သင်းဖြစ်တဲ့ အသက်လက်တစ်ဘီလ်ဘာအိုအသင်းဟာ လက်ရှိအသင်းရဲ့ နည်းပြဖြစ်သူ မာဆယ်လီနိုနဲ့ လက်တွဲဖြုတ်ရတော့မှာဖြစ်လို့ လစ်လပ်သွားတော့မယ့် အသင်းနည်းပြနေရာအတွက် လာလီဂါမှာ နည်းပြဘဝကို စတင်ခဲ့ဖူးသူ နည်းပြမာရီစီယိုပိုချက်တီနိုကို ခန့်အပ်သွားချင်နေတယ်လို့ သိရှိရပါတယ်။ အာဂျင်တီးနားလူမျိုး ဘောလုံးနည်းပြ ပိုချက်တီနိုဟာ လက်ရှိမှာ ပီအက်စ်ဂျီအသင်းကို ကိုင်တွယ်နေပြီး အသင်းကိုလည်း ၂၀၂၁-၂၀၂၂ ဘောလုံးရာသီ လီဂူးချန်ပီယံဆု ဆွတ်ခူးအောင် စွမ်းဆောင်ပေးနိုင်ခဲ့ပေမယ့်လည်း ချန်ပီယံလိဂ်မှာ ရှုံးထွက်(၁၆)သင်းအဆင့်နဲ့ လှည့်ပြန်စေခဲ့ရပါတယ်။

ပီအက်စ်ဂျီဘက်က ပိုချက်တီနိုကို ရာထူးကနေ ဖယ်ရှားချင်နေပြီး ရီးယဲလ်နည်းပြဟောင်း ဇီဒန်း စပါးအသင်းနည်းပြ ကွန်တီတို့ထဲက တစ်ဦးဦးနဲ့ ပြန်အစားထိုးသွားချင်နေပါတယ်။ ဒီလို အနာဂတ် မရေမရာ ဖြစ်နေရတဲ့ ပိုချက်တီနိုကို ဘီလ်ဘာအိုအသင်းဘက်က အလိုရှိလာခဲ့ပြီး အသင်းနည်းပြသစ်အဖြစ် ခန့်အပ်သွားဖို့ စိတ်ဝင်စားလာခဲ့ပါတယ်။ ပိုချက်တီနိုဟာ ဘောလုံးသမားဘဝကနေ နည်းပြဘဝကို မကူးပြောင်းခင်မှာပဲ လာလီဂါကလပ် အက်စပန်ညိုအသင်းမှာ ပါဝင်ကစားခဲ့ရင်း ကစားသမားဘဝ အဆုံးသတ်လိုက်ချိန်မှာ အက်စပန်ညိုရဲ့ နည်းပြအဖြစ် ပြောင်းလဲဆောင်ရွှက်ခဲ့ပါတယ်။

အက်စပန်ညိုရဲ့ ကစားသမားအဖြစ်နဲ့ရော နည်းပြအဖြစ်နဲ့ပါ လာလီဂါမှာ ဆယ်စုနှစ်တစ်ခုလောက်အထိ ကျင်လည်ထားခဲ့ဖူးတဲ့ ပိုချက်တီနိုကို လာလီဂါကလပ် ဘီလ်ဘာအိုက သူတို့အသင်းရဲ့ နည်းပြသစ်အဖြစ် ခန့်အပ်သွားချင်နေပြီး ရာသီကုန်မှာ အသင်းနဲ့ လမ်းခွဲတော့မယ့် နည်းပြမာဆယ်လီနိုရဲ့နေရာမှာ ပိုချက်နဲ့ အစားထိုးချင်နေပါတယ်။ နည်းပြမာဆယ်လီနိုဟာ ဒီနှစ်ဘောလုံးရာသီမှာ ဘီလ်ဘာအိုအသင်းကို အမှတ်ပေးဇယားရဲ့ အဆင့်(၈)နေရာ ရောက်ရှိအောင် ပို့ဆောင်ထားပေမယ့် ယူရိုပါလိဂ်နဲ့ ယူရိုပါကွန်းဖရန့်လိဂ်တို့လို ဥရောပပြိုင်ပွဲတွေ ဝင်ရောက်ဆင်နွဲနိုင်အောင် စွမ်းဆောင်ပေးနိုင်ဖို့က မရေရာသေးတဲ့ အခြေအနေမှာ ရှိနေသေးတာကြောင့် သူ့ကို အသင်းဘက်က သက်တမ်းတိုးဖို့ စောင့်ကြည့်နေဆဲ ရှိနေရပါတယ်။ သူတို့အသင်း အလိုရှိနေတဲ့ ပိုချက်တီနိုကလည်း သူရဲ့အနာဂတ်နဲ့ ပတ်သက်ပြီး ကောလဟာလတွေ ထွက်ပေါ်နေပေမယ့် သူကတော့ စာချုပ်သက်တမ်း ကုန်ဆုံးချိန်ထိ ပီအက်စ်ဂျီအသင်းမှာသာ ဆက်ရှိနေမှာ ဖြစ်တယ်လို့ ထုတ်ဖော်ပြောကြားထားခဲ့ပါတယ်။